bêkar derbarey dewłemend edwê
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
2148 Dîtin
bêkar derbarey dewłemend edwê
pyawî nahumêd mil le tîẍ eswê
zor pyaw ledewrey pyawêkî pyawe
gułebeřoje řû le hetawe
zor nanbiřawan be hîwa dejîn
bełam dar û goşt aşnay yek nîn
ew kesey ke dił birîndar eka
xoy be wahîme deẍezar eka
ker xołemêşî boye xoş ewê
têyda degewzê û têr werdekewê
bedxûyî mindał lay bawik şerme
jîşk be bêçûy xoy dełê nerme
feqê bo řatû wa le berderga
deçme «wekaşe» ke bam lê derka
ew kesey diłî legeł xełk pake
xoy pêy diłxoşe û le bed bê bake
řojê řûy ezel etdozêtewe
bê kełeşêrîş řoj ebêtewe
înca dirdega řûy kirde wiłat
tirê genane û çaw’êşe dahat
bełê bersîle ebê be ḧełwa
bełam ’umrîşt be tałî eřwa
ta nebarênê baẍ geşke naka
ta negarênê, mir, hêlke naka
kemî nebînî dewłetit boşe
befraw le çiley hawîna xoşe
ewî dewłetî her bo xoy ewê
xewî bê xefet nabînê şewê
bałeşořêman têkewt be carê
boye mêş zore gezo debarê