kesê diłsoz bê bo hemû kesê
Li pirtûka:
Pendekanî Pîremêrd
Berhema:
Pîremêrd (1867-1950)
2 Xulek
2399 Dîtin
kesê diłsoz bê bo hemû kesê
dergayşî nebê le diz netirsê
be qaspeqaspî kew bayex meken
dîte bo řawî cînsî xoy deben
pyawê dûrbîn bê nabê tenya bê
ke dostî nebê destîşî nabê
ewî be tundî le cêy xoy hesta
katêkit řwanî mandû bû westa
herçî ezanî bot naçêteser
meyke be xulya û be kełkełey ser
nezan, nezanê ke hîç nezane
bextîş řûy tê ka xane wêrane
xudpesend dêwî nefsî nedîwe
xoy le awêney dêwanda dîwe
mela bedxû bê û bê we’iz bida
be zor ẍeybetî xoy be xełk eka
ew şêxey mûçey mirîd wer’egrê
demî «biring»e û xurî pê ebřê
bew pareyey şêx beheşt efroşê
netewey pyałey mey pê denoşê
gencê be řenc bê emênêtewe
mîrat bo «newe» şeř enêtewe
řołe em pendem be sermeşqit bê
le sewdagerî, sewday ’eşqit bê
be ’eşq azadey her dû cîhanî
ke ’eşqit nebê leşî bê gyanî
ew serey sewday ’eşqî tya nîye
kûlekey wişkî awî kanîye
xoşyan ewêy hêşwe xoşnawê
cinêwfiroş bê, bawkitit xoş nawê
le meydana kes dengî dernaye
ke dujmin şika, zor kes azaye
ewî hełkirdî be wişk û teře
le małî xoya şay beḧir û beře
beřeşiř deşoy be awî kanî
qedrî aw meger le çoł bizanî
ewî řûbeřû to hełdekêşê
paş mile be dax ax hełdekêşê
êstake mûçey casûs nemawe
le dûr em nane bew řone bawe
dîte ke «bez»yan be «kitik» sipard
çon parey pezyan jimard û bijard
ewî be kitik bezê despêrê
dyare biz dare pezîş ebjêrê
ełên gwêreke be pemû fêr bê
dest hełnagrê zikîşî têr bê
kewtûyne dewrê cwan pîrî nawê
ew dewre guzeşt çwar jin bo pyawê
miskên û aẍa lêk řast bûnewe
qurbanî û qurban lebîrçûnewe
muşîr û sułtan wek gurz û qełẍan
hełgîran legeł sifrey dîwexan