hay şemał çend car řa tey kerdenî
Li pirtûka:
Dîwanî Mewlewî
Berhema:
Mewlewî (1806-1882)
2 Xulek
1033 Dîtin
hay şemał çend car řa tey kerdenî
çend teşrîf we lay yaran berdenî
ne em carey min çun ew caranen
ne azîz wêney îfter yaranen
dey sa şo buyer new sub seḧerda
çun dûy henasem we awêderNava taybetda
satê tamił ker, bidye direngê
ana mwînî asman řengê
bûł kerden we ser her hefit tarimda
xusûs we ser bext çerxî çarimda
burciş yend berzen se’dî ekberNava taybeten
ce girdîn burcan şerefnak teren
sitarey tałey meynet gazekem
xurşîdekey ewc burcî nazekem
hane goşey ewc xaney şerefda
nûr’efşanîşen we her terefda
tilû’ û ẍirûb sub êwaranen
me’aş û sebat derdedaran
bełam min cestem xeylê bedḧałen
lał bûn malûmen ew ne webałen
yanê ew bałay tûłî ’er’er terz
meşnyo we bad sub seḧerî lerz
çîn keften ne řûy pêşanîş çun sîm
çun zincîrey aw we şinoy nesîm
nîm nîgaş hewes diłdozîş nîyen
naziş diłberîş ce xatir şîyen
awłeş hurdan lałî yemanî
wêney goy «ḧubab» awî ḧeywanî
baẍî meḧbûbîş ce ser ta daman
ce weyşûmey derd xezanş aman
dexîlim şemał wey gişt derdewe
şo we xizmetiş wey dûy serdewe
dił ce demawend girew berdebê
dîde daney řub řîwend werdebê
waçe kefaret bejin bałat bo
nesîbî řeqîb xałî ałat bo
bidye nergisan ce şewnim bîn keyl
persa: kon? ’erizker: qeysekey duceyl!
hane baneCihda bêkes keftebê
dyar bê azar to şineftebê
ayr sendebê ce girdîn lawe
pûşekey cesteş we arbebaNava taybetwe
midyay ga pêç werd, ga minamyawe
carcar ce nałeş mifamyawe:
fełek dax we dił xestemda berdî
jarî dûrîy gyan azîz pêmwerdî
watim sa ełbet temamit kerden
gyanřisitigarim ce dimay merden
çêş dimay mergîş yend bedbextenan
gyan her ne azar derdî sextenan
be siftey we bad herd ew herdimen
be gyanî azîz zîzî derdimen
serwextî bendîy řay feryadmen
însafen wesen, fełek dadmen
te’sîrş nîyen feryad ce lay to
ta destî qudret çerixt neşkino