hana ha wiyerd hana ha wiyerd
Li pirtûka:
Dîwanî Mewlewî
Berhema:
Mewlewî (1806-1882)
3 Xulek
1007 Dîtin
hana ha wiyerd.. hana ha wiyerd
xałokem zimsan hana ha wiyerd
wehar heway berd ce serzemîn berd
tomey gułałan we çêw berawerd
sozey ba we xet new nîhalanda
sełay bełay hał dił melalanda
sub şinoy nesîm des ce wê werda
boy werkemer şend we werkemerda
çun dû ne řûy dił perê xawêran
tem cem bî ne řûy awan tawêran
sefay seyrangay sara û serherdan
minało pey bezim cergey hamferdan
nek çun fezay keyf berg syawan
simkoy ser zaxiř ne pay wefrawan
min xo dur ce to çun merde merde
her ham ne xyał sałî wiyerde
esasey neçîr mawerdim perêt
wêt teyar mekerd, çun kê, her çun wêt
mewînay řezin madenîy kanî
manî we sen’et selîqey manîKes
sub ne casûsgey milan serherdan
çun somay xurşîd şołe kerd herzan
mişanay we pêł lûley dûr menził
mûsewîy serteł karxaney mûsił
xaray xanan taq qûłî lûl werde
çun nîgay diłber hezare kerde
dirustî û hełmet qeza û xeyał tewr
nałe û nar û dûd ře’d û berq û hewr
weşdemax diłşad bew şikił û şêwe
pêwe wew cestey sed sewda pêwe
xawxaw pey neçîr çem we nîgawe
tek medayn we lay koy ateşgawe
min mat û bêdeng bêseda û nałe
yekê bîm çun seng quley qezałe
to keł gel, gel gel we çem mekerdî
parêz we pay řêz estem meberdî
megirtî şinoy henaset bêdeng
dûhaçey çetał menyay ne řûy seng
miştigirte û dya û îşarey maşek
teqya û pêkya û kiłafey keł yek
her la hoş miday goş we sedawe
her sengê pey wêş dengê medawe
bazre piřtaw, ko çun til mewerd
her berd bê new herd meheřd wêney gerd
dimay êd dił kerd ce neçîr ḧaşa
her sat mekerdim new’ê timaşa
lerzey sed terzey sewzey dyaran
xendey şikofey nemaman daran
şinyay hełałan we kohî nûrda
pexiş bî çînçîn we řûy çinûrda
şadî û weşî û ’eyş çem û xem cem bê
çêwê ce laman kem bî her xem bê
îse we ełmas dûrî dił kawam
melal û bedḧał erdełanNava taybet mawam
to mestî badey derd efgenî meyl
min ḧeyranî des nîgay bałay leyl
ne ew seyrane û ne to dyarî
sa bo bimane û zam nebo karî