hamderdan êşê
Li pirtûka:
Dîwanî Mewlewî
Berhema:
Mewlewî (1806-1882)
3 Xulek
1057 Dîtin
hamderdan êşê ...
pêmewen êşê, çi terze êşê
êşê pêç çun êş we maran řêşê
êşê piř nêşê, řîşey gyan kêşê
çi řêşê, eser mewday xedengê
řehay şestî tîr, şengê, qeşengê
ře’na ẍezałê, bała şimşałê
saḧîb kemałê, gerdî dił małê
leylKes asa nazê, şîrînKes cemałê
mecnûnKes nyazê, ferhadKes eḧwałê
perwane saziş, şemsa sozşê
guł’endamKes naziş, behramKes şořşê
xurşîd etwarê, nîlûfeř zewqê
’ezraKes ’uzarê, wamîqîKes şewqê
perî peykerê, pay dił pey kerê
xemder, xemberê, diłder, diłberê
’ereqçîn ne toy surmeda ẍerqê
we ferqî ferqê ba zerq û berqê
ser we desmałê, gerdin piř xałê
des bazne lałê, pa we xiřxałê
pêşanî mahê, ahû nîgahê
gêsû syahê, dił menziłgahê
řuxsar û zułfê, subiḧ û řewaḧê
dîde û nîgahê, pyałe û řaḧê
ebro û mujganê, tîr û kewanê
sed perî nîşan perê nîşanê
neş’eder demê, bezmi’aray cemê
’enber perçemê, perçem we xemê
şeker zubanê, ẍunçe dehanê
lûlû didanê, leb le’il kanê
pence xameyê, diłan nameyê
řeqem řewyey seyr, ’eşq ’elameyê
tînet nezîfê, zînet zerîfê
xełqî letîfê, xułqî şerîfê
mîhrî beharê, qehrî xerîfê
beşîr ředîfê, nezîr ḧerîfê
şahîn kirdarê, terlan tewarê
jerej řeftarê, tûtî guftarê
şabazê, şazê, şahan mumtazê
şahîdê, şorê, şoř û şeř sazê
penhanî gencê, ’eyanî řencê
sed ’îşwe sencê, piř lare û lencê
aşna boyê, bêgane xoyê
behane coyê, beha necoyê
nizîkî řayê, nûrî sefayê
deycûrî weḧşê, dûrî cefayê
serwî tezerwê, gułî bułbułê
xuten wetenê, le saye siłê
şîrînê, tełxê, xuşkê, piř nimê
ẍuřřeyê, selxê sirûrê, xemê
ḧorî siruştê, qesrî beheştê
zułf zennarê, deyrî keniştê
xeyał peşêwê, ’aqłan şêwê
şêwe bagirdiçêw, pak ce girdiçêwê
her êşê ce nêş tîrî ew kesen
ne cay neş’ey noş neşْئەەتەیْnErebî wesen
serda we hemda tan û poy cergim
nimana meḧşer ẍerẍerey mergim
bazdêm wey zamet, wey endamewe
beł beyan we şon baz bêzamewe