yarî min ’alem dexîle, nîk û bed boy talîbe
Li pirtûka:
Dîwanî Eḧmedî Kor
Berhema:
Eḧmedî Kor (1771-1856)
3 Xulek
964 Dîtin
yarî min ’alem dexîle, nîk û bed boy talîbe
kafir û îslam qetîle, qewsî ew dû ḧacîbe
qewsî piř tîr û xedenge, serbejar qetranî řenge
her diłêk ew lêy be cenge, mirdinî lê wacîbe
çun kewan nîşan zemîre, ejdîhay piř gaz û gîre
cumle diłha boy esîre, zor be dest û ẍalîbe
ew be sam û destełatin, çîn be çîn pol pol dehatin
saf le giştî mexlûqatin, her diłêk boy řaẍîbe
her çî ḧubbî wî le dił bê, řenge řîswa û xecił bê
pê be kot, zincîr le mil bê, ’eyş lekin wî řahîbe
kwanê ’eyş û kwanê şadî, bê lebo ceřḧî fu’adî
way be ḧałî namradî, yar le qetłî kasîbe
kesbî wan her qetił û xwênin, karî wan ceřḧ û birînin
mar û ’eqřeb çîn be çînin, yek leser yek řakîbe
yek leser yekdî swarin, ser be lu’lu’ sehmidarin
sun’î zatî kirdigarin, şu’leberq û saqîbe
dînî wan qullabî dawan, agirî cerg û henawan
’aşiqan dayîm le çawan, dem’î xwênaw sakîbe
dem’î wan dił piř ceẍaran, dê wekû seylî beharan
dînî řûyî guł’uzaran, bo ’uqûlan ẍasîbe
’eqił ber, îman řifênin, muhlîkî ten, dił twênin
çun ’uqabî çing be xwênin, bendî her şeş canîbe
qudřetî xalîq çi xase, xîlqetî kird cînin û nase
řûy be ḧusnî kird xulase, werne tînî lazîbe
werne qetrey awî lîçe, bû le cêy bewlî mezîce
ḧubbî toy lê munderîce, bo qulûban cazîbe
cazîbî qelbî cînane, afete bo ’eqił û cane
xałî řûyî newcewane, taqîşî baş katîbe
neqşî sun’î layezale, saf le nûre, nûr cemałe
saḧêbî qewsî hîlale, duşminêkî zarîbe
zarîbî kes tîẍ nedîtin, lêy deda dił ḧel debêtin
çî bewan mecřûḧ nebêtin, řûsyah û kazîbe
řûsyah û şermesare, ger nebînim řûy yare
be nwêj û řojûm çi kare, sed ke feřz û wacîbe
lêm be dûrin ferz û sunnet, ẍeyrî wî her çî bê ẍefłet
şukir yarî nûr cebhet, mîhrebanim xatîbe
xoş xîtabe, mîhrebane, şekkerîn nutiq û beyane
na’umêdî dû cîhane, çî le řêy wî xa’îbe
xa’îb û ehlî me’asî, ger be ḧeqqit yar binasî
bê guman bot dê xelasî, lêt depoşê ’ayîbe
«eḧmedî korNasnava edebî» wa diruste, ẍeyrî wî derkey le deste
ew butî tobe pereste, ẍeybizan û saḧîbe