diłim destî be şîwen kird le ḧesret bêkesî kurdî
Li pirtûka:
Dîwanî ’Asî
Berhema:
Mela Mistefay Asî (1885-1975)
2 Xulek
867 Dîtin
eme be munasebetî ew řoje bû ke melîk feyseł hate sertextî melekî û le kurdan kesêk nebû dawa bo kurdan bikat ke ewanîş le xakî xoyan gewreyêkyan hebê benawî ḧukmetî. minîş le esefî ewe ew şî’ranem nûsî
diłim destî be şîwen kird le ḧesret bêkesî kurdî
le çing turkan necatyan bû řyasetyan ’ereb birdî
heta demrî binałêne eto ey kurdî bê saḧîb
temaşay mezre’ey jyanit çilon sermay xefet birdî
leber bê bak û nařêkî le řêgay çewt û tarîkî
be da’îm wêł û sergerdan dirişt û gewre û wirdî
esef bo xakî kurdistan diraye destî bêgane
eto ey kurdî xawen mał çi bû lem wexteda mirdî
temaşay xakî xot nakey hemûy zêře le destit çû
be qanûnî xerafatî le mîrat bê beşî kirdî
heta mawî gelê ’eybe biłêy kurdim lenaw ’alem
le xot nagey le berpêy dujminan pirdî
debînî qewmî bêgane dełêy şêrin etoş çonî
leber bê îttîfaqîtan giriftarî dûsed derdî
zibanman zor dirêj kird û esefef destiman gelê kurte
řewacî sikkeman ḧeyfê fisosî tefreqe birdî
lenaw bazařî hestîda dezanî boçî bênawî
le banqî yekketî nawxo çekî mayet nîfaq birdî
be fîşał û qisey bê cê dełêy şêrim eman çibkem
temaşay qełfetî xot ke be kelle herwekû girdî
nebû kurdêk ewê řojê biłê êwe xudaḧafîz
’ezîzim xakî kurdistan serapa mułke bo kurdî
be (amş) û (şitgul) û (şitrîd) îdarey kurdyet nadrê
esef îngilîzî dîn dujmin ke teslîmî ewî kirdî
edî boçî ewêstakeş şi’ûrêktan nebû êwe
be hêzî bay nîfaqî xot be da’îm toz û hem gerdî
beḧîle û qunbuley nekbet weha lêkî tirazandûn
le cadey yekketî laydan ’eceb dûçarî sed derdî
gutim oxey le kurdistan ke ewladyan museqqef bûn
esef textey seqafetyan hemûy berbowe ser’erdî
řicatan lêdekem kuřgel emin ’asîNasnava edebîm xefetbam
eger tozêk şi’ûrim bû heway fîşałî to birdî