pêm biłên yaran bizanim boçî wa damawe kurd
Li pirtûka:
Dîwanî Şaho
Berhema:
Şaho (1882-1971)
2 Xulek
552 Dîtin
pêm biłên yaran, bizanim boçî wa damawe kurd?
boçî wa gêj û peroşe, řewtî lê şêwawe kurd?
mał û mîratî, be naḧeq boçî wa, dabeş kira?
boç le naw cem’î beşerda, bê beş û bênawe kurd?
kirdewey, xoye wehaye, řojî řûnakî şewe
kewte naw çaławî xem, binwaře çon xinkawe kurd?
yek legeł yek, bed dił û tînû be xwênî yektirîn
giştî buxtan çîn, leḧeq yek boye wa bednawe kurd
noker û pasawiłn, bo xwêne xwaranî weten
her ełêy «bo nokerî bêganekan» xułqawe kurd
tîre tîre û biř biřn, emyan ewî la hîç nîye
boye bem ḧałe hemû dem qebrî bo kinrawe kurd
řêy, be bextî xoy nebird, řojê biçête řîzî xełq
daxî daxanim, le hawřêy dayma cêmawe kurd
gah, maşey deste pişkoy pê heł’egirin bo fesad
gah «fitbołe» ewey hat têr şeqî pyada dawe kurd
xoy bezil pîşan eda, wextî guře û fîşał, keçî
çaweřêy paş xwanî, xełq û kewçkê çiłkawe kurd
wa temayan kirde mał û mułkî kurdistan hemû
her kesê bo xoy epçiřê seyrî çon piçřawe kurd
suryeş lew lawe wa qołî cizîrey lê biřî
xoyşî lêł naka bizanê, çî beser hênrawe kurd
daykî damawî weten, bo yarmetî hawar eka
wacbe firyay kewn, ta derfetî bo mawe kurd
yek kewn kurdîne besye, piştî yektir ber meden
kurd hemîşe kurd buwe, kurdîş ebê ta mawe kurd
mebne towî naw diřk, heryek belayeka meçin
wabken, ’alem bizanêt pyaw buwew, her pyawe kurd
benc kirabû, nûstibû, agay le mergî xoy nebû
êste wa pîşan eda şahoNasnava edebî lexew hestawe kurd