zemîn û zeman kewneyn û mekan
Li pirtûka:
Dîwanî Şaho
Berhema:
Şaho (1882-1971)
2 Xulek
1140 Dîtin
zemîn û zeman, kewneyn û mekan
cuz to ḧał û kên?? padşay subḧan
ger be kirdewew wêm biderî cezam
mişêw ta ebed, to bidey sizam
bełam řeḧmu to, yekcar zyaden
gunaw min celay «’efût» ber baden
sa toyş be kerem bikere çarem
ẍerîb û bêkes, yekcar bê çarem
desgîrim nyen ẍeyr ce lutfî wêt
desgîrîm biker, to bîw lutfî wêt
«mifirz» wezîş kerden wedesgîr
«kosew wîş» kerden weyagey tedbîr
pişt û wêş besten be hêzî «yasîn»
ce çep û ce řas mekero teftîn
teklîfiş kerden biřyenşa, řizqim
bimařan we seng miłamet ferqim
mewaço minim: «mi’tî û man’»
wêmena «mizil, mi’zu, rafi’»
minîş penahim weto awerden
dostitanî tom, we şefî’ kerden
bew barî gunah, şermesarewe
bew dîdey nemîn, eşk barewe
bew henasey serd lêw be barewe
bew diłey, xemgîn xefet barewe
îltîcam weřeḧim «riḧîm» awerden
penam we qapî kerîm, awerden
yeqîn mezanû we tesdîqî dił
her tonî kerî miradî ḧasił
ẍeyr to, kes nyen «mi’tî û man’»
ẍeyr cewêt nyen «xisar» ya «nafi’»
wêtenî «mi’iz, mizil, û řezzaq»
wêtenî «kerîm, řeḧîm we xellaq»
la man’ lima a’tît aḧd
lami’tî lima mini’it abid
umêdim êden mewlay bêkesan
cey ẍerîbîda nekerîm ḧeyran
agedarîm ker ce şeřî dujmin
parêzem ce mekir mekkarî piř fen
«mirad ḧasił ker» ḧasił ker «mirad»
çî bendî ẍemda bikerem azad
be siłametî, bê derd û asîb
ser berz û dił weş piř bar û nesîb
byawnî mewe, welay qewmî wêm
new’ê ker «dujmen» ḧesed berupêm
ḧisb alamrî wêt do’am kerd welat
«asticb lina, qazî alḧacat»
we’dey îcabeyş, wêt dan we řesûł
dîsan sa do’am bikere qebûł
penaş her weton şehenşay bêçûn
«ḧesenî bêkes» xembar û meḧzûn
feryad řesîş ker kesî bêkesan
baçîney zyater, nebo «sergerdan»