temaşay çerxî çepgerd ken be zîddî çerxî gerdune
Li pirtûka:
Dîwanî ’Asî
Berhema:
Mela Mistefay Asî (1885-1975)
2 Xulek
1032 Dîtin
temaşay çerxî çepgerd ken be zîddî çerxî gerdune
ewey şayanî ’îzzet bê ewêsta sûk û madûne
hewa û destûrî na’ehle binaẍey ḧurmetî têk da
weten şêwa û piř ḧesret ehalî zar û meftûne
le çol û deşt û hem çyada temaşay xwênî kurdî ke
legeł firmêskî bab kujraw dełêy řûbarî ceyḧûne
ḧeres qewmî ke wextî hat belîngî řût û bêderpê
le řastî kurdî bêçare dełêy meřwan û me’mûne
xîlafî emrî yezdane hemû řeftar û efkaryan
îdare û ḧukmî bêcêyan xîlafî şer’ û qanûne
eger çe řaste dûpêne be weḧşet fewqî çwar pêne
be ’eqił û sûret û sîret hemûy segsar û meymûne
zererman hîç nekird ême ke çunke têgeyştîn baş
biřînî penceyî kurtî ke çend piř êş keskûne
be hîway tołe wergirtin ke serfî řûḧî şîrîn keyn
ewa ferhadî serdarman xerîkî kêwî bêstûne
eger fîr’ewnî mîsrîş bêzerîf ba têbga bo xoy
sîlaḧî kurdî saḧîb ḧeq ’esay mûsa û hařûne
debê her xoy bixinkênê le gêjî beḧrî ḧesretda
le destî çû ke xakî kurd hemûy her gencî qarûne
serit derke heta mawî be řêgay furseta řake
şîmal her mułkî kurdane etoş çarit be laçûne
zerîfî têbge yabe wekû ḧełqe le gwêtî ke
mîsalî nîştiman û kurd wekû leyla û mecnûne
weten xawên û bêẍem bû be zułmî êwe çiłkin bû
lebo şorînî biřnewman gełî baştir le sabûne
eger ḧesret dexoy bo newt biřo hendêk be sertake
be kar naye diro û tefere beřastî wextî derçûne
le şûmî zułim û bêreḧmî le derḧeq nîştiman û kurd
binaẍey hêzî naḧeqtan berew řûxan û têk çûne
bîḧemdîlla ke nawî kurdî be nawî ew kesey derçû
beẍîret kêwî elburz û be hîmmet pîre megrune
minîş hawnawî ew zatem welakîn şuhretim ’asîNasnava edebî
be tîşkî řojî serkewtin qerîḧe û zihnekem řûne