dû kitêb le naw feqêyana bawî hebû...

dû kitêb le naw feqêyana bawî hebû exwênra, yekêkyan «’wamil» yan pê ewt, ewîtryan «cim’ alciwam’». ew kesey ke sereta eçuwe feqêyetî destî ekird be «’wamil» û ewey exwênd. eweş ke le feqêyetî ebowewe hemû ’îlmekanî exwênd, destî ekird be «cim’ alciwam’». me’nay waye em dû kitêbe teqrîba emser û ewserî xwêndinî feqêyetye. şêx ’elî peřo hebû le suleymanî, melayekî wanebû. mela şêx babe ’elî tekyeyî hemû carêk eyut şêx ’elî ’wamil û cim’ alciwam’ wekû yek ezanê. şêx ’elî emey pê xoş bû, ye’nî çon ’wamlî be lawe asane, bo zanînekey cim’ alciwam’îşî be lawe awaye û be başî eyzanê. legeł eweşa mebestî babe ’elî ewe nebû, mebestî ewe bû, ke çon ’wamil bew asanîye nayzanê cim’ alciwam’îş herweha nazanê, le zanînyana her wekû yek waye.