carêk le suleymanî gwaye ’îzetî topçî kif...

carêk le suleymanî gwaye ’îzetî topçî kifrî kirduwe, melakan lêy ekewne teqe û heç mela û feqêyek le suleymanî ebê le mizgewtî ’irfan ko ebnewe û îşekey zil eken û fitway kuştinî ’izet eden. ’izet şew le tawêk be dizîyewe suleymanî be cê dêłî û řa eka bo beẍda bo lay şêx meḧmûdî ḧefîd - ke ew serdeme le beẍda bû - şêx meḧmûd boy tê ekewê û îşekey le lay ḧukmet bo çak ekatewe.

ca lew kobûneweda melakan suxteyek enêrin bo lay şêx baba ’elî ke ’erzî bika ewa ewan lewê îctima’yan heye ewîş teşrîfî bêt.

suxte eçê ełê: qurban melakan wa le mizgewtî ’irfan «cima’» eken ’erzyan ekirdî ewîş teşrîf bînêt. şêx baba ’elî hel’estê cubbekey eda be şanya û eřwa, ke egate naw ḧewşî mizgewteke her çakî eka be lada û dest egrî be benew xwênekeyewe. ewa ḧewşew û seko û berheywanî mizgewt piře le mela û feqê û ḧeşamat. ’alemeke belayanewe seyr ebê ke baba ’elî wa eka ełên: qurban ewe çîye? ełê: çî çîye? suxteke hatuwe ełê cima’ eken ebê minîş xom ḧazir kem?