kabrayek le xanedanêkî zor gewre mał...

kabrayek le xanedanêkî zor gewre mał û mułkêkî firawanî be mîratî bo mabuwewe, bełam ney’etwanî be xêwî bika û bîhênête berhem. řojêk le dîwexan danîştibûn legeł kuře gewrekey em qisaneyan dekird; řûy kirde kuřekey û witî:

mułkaney pênc şeş dêman ke le lay miskênekane, heta êsta çend carim pê witî biço werî gire boçî neçûy? kuře witî: hêşta neçûm, dû sê řojî dîke eçim werî egirim qey çî eka?! bawik witî: ey dêy «kanî pan»man dawe be kwêxa bekir be îcare, dû mang le pisûlekey têpeřîwe, boçî neçûy parekey wer bigrî? hîçman nîye xercî keyn. de biço werî bigre. kuř witî: carê werim negirtuwe, pelet çîye be şêneyî werî egirim! înca le tenîşt bawkewe babe ’elî tekyeyî danîştibû řûy tê kird û witî: be xwa ya şêx wecaxim kwêre! babe ’elîş pêy wit: be xwa aẍa! naşukirî nebê bawkî řeḧmetîşt her wecaxî kwêr bû!