qîblekem er to wefadar mebît
Li pirtûka:
Hewargey Diɫan
Berhema:
Seyd Tahîr Haşmî (1915-1991)
1 Xulek
646 Dîtin
qîblekem er to wefadar mebît
řoy wîsał, řûy hîcir we çem nimedît
bełam ba wes bo demey bêdaxî
gêcay lûl gêc dił piř perdaxî
dax we cergimda pey çî berdenî
mer wêt sizay zûx zam newerdenî?
bełê min serdîm gawega byen
bełam nek weytewr ce ḧed ber şyen
serdîy min ce řûy naz û nyazen
çûn şinoy şemał hamin diłwazen
nek çûn serdîy to payîzan bêzen
we bêwade wełg nemaman řêzen
bêbakît ḧeyat ’aşiqan biřen
îstiẍnat perdey derûnan diřen
bêşertît yekcar şêwna yanem
kem dyat sa kerd temam wêranem
baze ba ẍemzet gyanim nesano
pey nîşaney tîr meynet bimano