ne xak řey da
Li pirtûka:
Hewargey Diɫan
Berhema:
Seyd Tahîr Haşmî (1915-1991)
1 Xulek
685 Dîtin
ne xak řey da ...
dêwanem, serşêt ne xak řey da
cestey ferhadîm medo beweyda
megêło nepey giřbestey neyda
ne giřey ayr, toy derûn sozen
nexo şaxey ney, sîne û dił dozen
nekesên perso derdîn çikaren
ne kes pey deway bêkes ne çaren
şarêwen mexlûq mewc medotêşda
nimedyo be řas hîçkes be wêşda
waçehey zebûn mewday tîr xem
to ce ko wi’î şar piř şor matem
pey çî nenîştî to neyanetda
wêney bayequş ne wêranetda
er řas meşnewî mecnûn sanî
wêranan weşen, cey awedanî
wêranan sakit dił bêxew xawen
ce eẍyar derûn we yar nizawen