tahîr xem berden şêwey fameket
Li pirtûka:
Hewargey Diɫan
Berhema:
Seyd Tahîr Haşmî (1915-1991)
1 Xulek
492 Dîtin
tahîrNasnava edebî xem berden şêwey fameket
feryad ce temay pûç û xameket
seyl berdin yanet gerdit şî we bad
nayrey meynet soçnat bunyad
zewqit fasden mezaqit tałen
xeyałit ne dewr emir miḧałen
şadît bî wexem, aramit heras
sozit bîyen serd, wîrit bê esas
serut çûn wîkoł piturkyay cewr
be tewr meynet řêşen hezar tewr
mişkit horgêła we řing kafûr
perdey zułmetit kêşane řûy nûr
řenicit we ’ebes, genicit bî we mar
baẍit bî weraẍ, gułşenit we xar
wesiłit fîraqen, wîsałit hîcran
umîdit ye’sen, arezût ḧîrman
ta key bêmrwet kêşî henasan
medarî umêd xasî ce xasan
şadî er baro řûne ḧałeket
ya zuhrey zehra bey we małeket
ew sa mewînî ce xasan xasî
’eyben ’eyb, weytewr xasan nenasî