ey zułfî diłaram, ’eceb piř şikenî to
Li pirtûka:
Dîwanî Edeb
Berhema:
Ebduɫɫa Begî Mîsbaḧ Dîwan (1859-1916)
2 Xulek
993 Dîtin
ey zułfî diłaram, ’eceb piř şikenî to
ger piř şikenîşî, ’eceb diłşekenî to
ser ta beqedem, pêç û xem û çenber û ḧełqey
emcare beher ḧełqe, dû sed mekir û fenî to
wek ’eqrebî ceřař û le qursî qemere cêt
wek ef’î xwênxiwar û beheşte wetenî to
wek: sunbulî tata û leme bûyte: kurtek
wek: ’enberî sara û le guł pîrahenî to
ger hîç şemenê waley zîba senemê bê
ḧeqqa, ke beřûy ew seneme, wek şemenî to
ger nafe degeł le’lî yemen, zadey kanin
ełbette her ew nafeyî kanî yemenî to
ger suretî «şîrîn», diłekey kohkenî send
lew surete şîrîne, diłî kohkenî to
çî to! çi kesî! her deme řengê denwênî
satê weku: tawus û demê wek: zeẍenî to
gahê leser ew çahî zenexdane, tenabî
gahê le milî ’aşiqî şeyda, řesenî to
bew tîregîy çîhre û bew sefwetî mawat
kifrêkî meger çîre; bedił «bulḧesen»y to!
ya: dił dedzî, ya: leme îman deřfênî
ey zengîy petyare, meger řahzenî to!?
na şehdî mussefay û ne qendî, ne şeker, boç
bew ẍayete şîrîn, behemû encûmenî to!
bê nawek û bê xencer û bê şeşpeř û bê tîr
hemřezmî dûsed bêjen û sed tehemtenî to
seḧḧarî û mekkarî û ’eyyarî û ẍeddar
her ḧîle û her pîle û her şêwezenî to
dawêkî eto, banedrawe bedû ’alem
kwa badedrê bew diłî bêçare, benî to!
herdem edebNasnava edebîa bête ser ewsafî nîgaran
layeq beweye; piř guherî ken: dehenî to