ba biłên gułzare řûy to, xunçeyî gułzarî to
Li pirtûka:
Dîwanî Edeb
Berhema:
Ebduɫɫa Begî Mîsbaḧ Dîwan (1859-1916)
2 Xulek
1138 Dîtin
ba biłên gułzare řûy to, xunçeyî gułzarî to
kwa weku gułzarî to, ya xunçeyî guł zarî to!
seru; eger tenha le yek cê, diłkeş û mewzûn qede
ey sinewber qed; le her cê, serwî xoş řeftarî to
kwa ’îbaret! hênde şîrîn, kwa tellefuz, hênde xoş
kewsere; têkeł meger, bew şekkerî guftarî to!
payî bendî tîşkî řû, wek: sayeye bê îxtyar
herkesê tawêkî hate: sayeyî dîwarî to
dił, heweł zexmî ke hêna, min ke dîm, nasîmewe
dest û şestî kes nîye; îlla meger şakarî to
to; ger emsałe serapa, bo me, cewrî ya sitem
xoşe herçî bê, beyadî lutfekanî parî to
xełk, eger hełdê le mar û îḧtîrazî lê deken
boç emin bê «mar»y dû zułfî etom, bîmarî to!
sed keřet tîrit le diłdawim, heta: peř nîştuwe
ey çi carit wa nebû; diłdozî wek emcarî to!
xot leme bêgane degrî û pêm dełêy: bêgane bûy
aşna ta bûm, emin bûm, wêste wa eẍyarî to!
ger dełêy: dił boçî bestey zułfî wek pergarte
nuqte lew cêge debê, lêy bê: serî pergarî to
to; lebit şîrîn û xot şîrîn û qamet şîrînî
boye wa nutqî edebNasnava edebî şîrîne bo tekirarî to