nazk tedarek fesłî weharan
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
1941 Dîtin
nazk tedarek fesłî weharan
şîrîn arayş herde û kosaran
guł çun řûy azîz nezaket poşan
wefrawan çun seyl dîdey min coşan
midyan gułałan ne pay derbendan
ew yekter wêney arezûmendan
çi xas xas şinyo ne êwaranda
sewze we řûy xak cergey yaranda
bwîn ře’şey wecd diłey pakşan
’eyan ne şinyay sewzey xakşan
cey goşey xaster nîyen meskenê
saqî gyan aman xumar eşkenê
hurêze, subḧen, dił taze xawen
şinoy pay kawen, goşey serawen
sewzey xakî pak yaranî hamferd
fireman we ferş bezmî wêman kerd
kew sewzey êmeyç ne kam herdê bo?
we ferşî meclîs kam hamferdê bo