ney gehwarey dewr tay desraze xem
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
648 Dîtin
ney gehwarey dewr tay desraze xem
takey ser enguşt ẍefłet ne toy dem
bazît pê werden her yek we layê
seday dayenan we layelayê
hay ne ferqiş hen ew seda û te’sîr
ta ew lawnaw ew meze û ew şîr
her tifłê bêşk ney bêşk xeften
cey daye biřyan bew daye ciften
wes xakbazî ker bêdar ber aman
biřyanewey toyç serwextiş aman
ha we qefawe yend şî be wêda
çem bê bînayî midyo we řêda
qeza we qumar ne pay baxtimen
qamet ḧełqe best wextî taxtimen
mutrîb, sazeket of çi weş terz bê
emcarîş wek deng meclîs her berz bê
ta kûrey zarîm biłêse sano
daxî lway wêm ce dił nemano
dad nimedo dad şîn, malûmen lêm
dimay wêm perêm hîçkes wêney wêm