lomem meken ey yaran, em ’eşqe bełayêke
Li pirtûka:
Dîwanî Safî Hîranî
Berhema:
Safî Hîranî (1873-1942)
3 Xulek
1265 Dîtin
lomem meken ey yaran, em ’eşqe bełayêke
lem ḧałete nazanin, bo dił çi cefayêke
geh şadî û geh şîne, geh xende wu nałîne
cumley řeg û poyî dił, her leḧze hewayêke
geh ’aqil û ferzane, geh wale wu ḧeyrane
aya diłî dêwane cêgey le çi layêke
kewtûte peřêşanî, tifłê bû ke neyzanî
yaran çîye dermanî, çarey le çi layêke
axir be diłî şeyda, pêm gut ke etoy řîswa
bem şore etoy tenha, wa bo to xetayêke
peyẍamî diłim zanî, gotî to musułmanî
lem ’eşqe ke nazanî, to beḧsî çi gyayêke
to nasḧî nadanî, bew ’eqłe peřêşanî
ew kifir û musułmanî, giştî le hewayêke
em sîřře penhane, bo ’alemî ’îrfane
to xot meke dêwane, her qalubelayêke
ew ’aleme neyřenge, deybînî ke çen denge
serpakî cuda řenge, lew bawik û dayêke
herkes ke le her جیێە, her yêke be new’êye
her ser le hewayêk û her sîne sedayêke
wîş qudretî ’uzmaye, bo me’rîfetułłaye
nasînî le ew daye, zanînî sefayêke
ewca were ger yarî, waz bêne le ’eyyarî
terkî ke řyakarî, dunya ke hebayêke
dunya ke weha xoşe, cê ’alemî bêhoşe
zehrêke to meynoşe, dewranî fenayêke
her ḧîle wu efsûne, cê ’alemî madûne
to meygire em dûne, têkçûnî be bayêke
min çende ke nadanim, ya ’aqił û çazanim
ẍeyrî eme nazanim, be xuda ke xuda yêke
yařeb to be zatî xot, bew sîřřî sifatî xot
lew ’ebdî ’esatî xot, řeḧmêk û ’etayê ke
yařeb ke to ẍeffarî, lew omete muxtarî
’efwî ke gunahkarê, lay to peřekayêke
dił ometî muxtare, herçende syakare
’efwî bike ẍeffara, şayanî ’efayêke
ey serwer û serdarim, wey xatem û muxtarim
her çendê xetabarim, emma to wefayê ke
bo şaf’î xasî to, lew beḧre ẍewasî to
ew ometî ’asî to, çawî le řecayêke
ey şahîdî beẍdayî, to melce’ û me’wayî
her dem diłî sewdayî, muḧtac be dû’ayêke
ustadî û pîrî to, hem şah û emîrî to
muddêke feqîrî to ḧacet be sexayêke
menwaře wefayî min, binwaře cefayî min
’alem le sedayî min, her dem le cezayêke
ey şahî le hîranî, me’zûnî le geylanî
ḧeqa to sileymanî, derdim to dewayêke
ey ceddî wefadarim, neslî tuwe muxtarim
binwařne azarim, tedbîrî çi řayêke
ey safîy hîranîNasnava edebî, ewladî ’elî û sanî
çaret le peřêşanî, derganeyî şayêke