sirûdî min
Li pirtûka:
Dîwanî Miḧemed Saɫḧ Dîlan
Berhema:
Miḧemed Saɫḧ Dîlan (1927-1990)
1 Xulek
1099 Dîtin
kwêstan taray şoy beser dadawe
xişłî gerdinî (may zerd û kawe)
şemał le tirsî şiney nisêy sext
penay bo bask û deşt hênawe
pełey gułałe le tirsî çinûr
naw cergî sûtaw řeş hełgeřawe
ay.. cestey ałtûn, kejał çawanî
nêrgis xeymegay zêřî hełdawe
***
çûn bûkî şaxe cirîwey şimşał
şabaşî şayî hajey çemawe
bezim qetarey qułing û qaze
(mey) tirîfeye (cam) mengî awe
awêne berde (cwan) girdekane
(pirç) taray gułe (şane) şeqawe
leser çinar naz, le zełim sazê
le qopî řazê beheşt řazawe
şîrîn.. şîrînî xakî kurdistan
her bo perestin dirust kirawe