kořî zanyarîy kurd

koř damezra. de endamî damezrênerî bo dyarî kira:

1- îḧsan şêrzad, wezîrî beledyat, ke muhendîsî mî’marî û ḧiqûqîye.

2- şêx miḧemmedî xał, ke nûserêkî meşhûre û qazî şarî silêmanîye.

3- kak mes’ûd miḧemmed, kuřî cenabî melay koye ke hem ḧiqûqî û hem ’almêkî ’erebî zor be nawbange.

4- duktur kemal mezher, ke le lînîngirad dukturay leser tarîxî kurd le qeřnî bîstema wergirtuwe.

5- hejar, ke kira be endamî pêncem.

6- duktur ’ebdułła neqşibendî, kone mela û ře’îsî kullî ḧîsabdarîy ’êraq.

7- duktur pakîze řefîq ḧîlmî, ke dukturay le ałman leser ziman û edebî ’îbrî hebû.

8- duktur ’ebdulḧemîd utrûşî, ke qazî sunnî bû le beẍda û zimanî kirmancî dezanî.

9- ’ela’eddîn seccadî, ke nûserî «mêjûy edebî kurd» û zor kitêbane.

10- duktur nacî ’ebbas, ke dukturay le cuẍrafyada heye û xełkî kerkûke.

em de kese be řesmî nawî destey damezrêner û serekîman lê nira û řyasetî cimhûrî be beyanêkî řesmî qołî be le ser kêşayn. ême leqebî «endamî kara»man diraye. zor kesî tirîş le xawen karnamey duktur û řoşnibîrî kurdiman degeł xo xist ke le lêjne corecorekanî ferhengîda beşdarîman biken. heftey dû ya sê car kobûnewe dekira! karî ferhengistanman beřêwe debird. «eḧmed ḧesen bekir» çil hezar dînarî bûdce bo nardîn. îḧsan şêrzad - ke ře’îsman bû, wekîlî şirketî «gulbengîyan» bû le ’êraqda - way kird gulbengîyan ’îmaretêk le ser ḧîsabî xoy bo kořî zanyarî dirust ka; ke pitir le dûsed hezar dînarî tê çû. çapxaneyekî laynotaypiman saz da. yek dinya kitêbî zor be nizxî leser kurd û şitî tir ko kirdewe. kitêbxaney kořî kurd zor le kitêbxaney kořî zanyarîy ’areban - ke temenî be çil sał degeyşit - dewłemenditir bû. çend kitêbêkî kurdîman çap kird.