fesłî new payîz taze kerden meyl
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
1323 Dîtin
fesłî new payîz taze kerden meyl
şemał herzan kerd řiştey new siweyl
gêcî serkawan ce serdî bîn keyl
bo midan çun boy bêwefayî leyl
azîz taqet şî axir nefesen
reḧmê ker aman, îstîẍna wesen
ber kenar kizey derûn piř daxan
pey to tesdî’en serdîy leylaxan
ce qetarey xêł dîde syawan
baqî hewargey germyan awan
germesêrî dił me’dûmîNasnava edebî nebo
wargeş xałîyen qîblem dûr ceto
koçê ker we xeyr menził we menził
ta qedîm wargey germyanî dił
neyawayî, hay saqî zor awerd
tefawit ne beyn wesfî azîz kerd
nimedo ne çem tarî diłey teng
bêwefayî dos sefa û wefa řeng
çun temam ne tem ẍefłetenan gum
sa mey, nek we cam, hay we xum we xum
ta yekser mayey xamîm bisano
çun cemał celal celam binmano