fełek bê firset
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
672 Dîtin
fełek bê firset ...
ey çerxî çepgerd, bê sebir û firset
ẍeddarî bedkar, bêwade û beynet
piř cewr û sitem bêmîhir û mobet
fełek, we bextim çi nerdê şanay
namey ḧeyatim we hîç newanay
mezre’ey şadîm day we fenada
pûşekey cestem we sozey ba da
azîzim ce min bêgane kerdî
şertî dosîman ce beyn laberdî
’ehd û mobetit ne wîrş berden
ne merhemî zam, ne deway derden
fîraqiş ferqim ta we pencey pam
řeg û řîşe û pos cya kerd temam
lafawî esrîn ne çem horêza
wełgekey ser teł ḧeyatim řêza
her azam pey wêş şîn û zarîşen
lałe û nałey sext zamî karîşen
to bêwefayît ce ḧed berşîyen
bakit ce feryad mezłûman nîyen
yend azarim day bê eřwam kerdî
wesen cefa û cewr bêmeylî û serdî
şuhrey mecnûnîm lwan we ’ałem
kafir megrewo pey şûmîy tałem
reḧmê ker azîz ce hîcrî ḧałit
manû pey tewaf asaney małit