şî ew sefa û seyr dîdenî yaran
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
617 Dîtin
şî ew sefa û seyr dîdenî yaran
lwa ew dûrî û ew wesłî yaran
êd ne ew dewren her mama û mewyerd
emcar we řasî çepgerd şana nerd
wextî temaşay sewzey şetawan
seyrî şikofey pay lare kawan
medare new bezim şikofan cem cem
henî şikofe dîdenî we çem
mewcî decley çem tuẍyan kerdewe
gêcî hûnî dił coş awerdewe
ew saray beẍdaş awerden we teng
êd kerden saray kerbela řeng řeng
ew ce endazey keştî berşîyen
êd boy hûn mido, řay guzer nîyen
er name naman qasîd neyawan
bînayî dîdem megêre tawan
řawyar matem, gird derûn tengen
qafłem ta qam qyamet lengen