şerarey kûrey derûnî piř coş
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
952 Dîtin
şerarey kûrey derûnî piř coş
dîgî çemey çem awerd we xiroş
ser kerden hûnaw ne řûy řuxsarim
kerden we şetaw cestey xembarim
welweley lûley pêşey azay çak
yawa we serîn no perdey eflak
perêm megrewan îns û cînin û ḧûr
nałe mekaran ce dergay ẍefûr
melałan yekyek perê řizgarîm
perê sařêşî zamanî karîm
to ne toy ḧîcab îstîẍna medhoş
ne ḧecley xawgay řaḧetî xamoş
neyawan hêman we lat feryadim
nezanat we derd dad û bêdadim
sa goş der satê wey zîr û bemda
buyer we bałîn ehlî matemda
ta lêt me’lûm bo sextîy hîcranit
bizanî we derd xestey zamanit
bełkim řeḧmî xeyr bawerî we dił
satê pey derûn teskîn bo ḧasił
çîne zyater, şay new nemaman
bê’însafîyen cefay bêsaman