kiçî xeyał
Li pirtûka:
Tirîfey Heɫbest
Berhema:
Şêrko Bêkes (1940-2013)
1 Xulek
985 Dîtin
gyane: kiçekey xeyałî
cigergoşey xoşewîstîm
azîz! tirîfey samałî
mangî tenya cwanperistîm
bûkî naw kejawey nyazî,
beharî xozgey miradim
cênzirgey řaz û xwazî
dastanî ’umrî ferhadim.
neẍmey řewanî bestekey
cwanî afret û diłdarî
telî tarî hełbestekey
awazî minî ẍembarî
hawdemî şewî tenyayîy
em diłe wêł û sersamem
řaberî řêgey awayîy
em jîne pest û nakamem.
hogrî wêrdî zimanî
be ḧezî wext û nawextim
pirşingî asoy beyanî
hełhatûy baweşî bextim.
goranîy ’umrî şîrînî
be xiroşî «bîst sałanem»!
laylayey wiřk û girînî
diłî nextê minałanem
neş’ey piř le coşî gyanî
tînûy ’ezretî arezûm
geşey beharî jyanî
řojanî êste û řaburdûm.