serim êşê leber bê çayî qurban

Li pirtûka:
Dîwanî Wîsaɫî
Berhema:
Wîsaɫî (1902-1973)
 2 Xulek  811 Dîtin
serim êşê leber bê çayî qurban
wekû teřřaḧ ewa kewtûm le meydan
ke çaye nûrî çawî îns û cînne
ke çaye zînetî bustanî řîzwan
ke çaye şem’î cem’î ’aşiqane
ke çaye şahîdî gułzarî ken’an
ke çaye mutrîbî xoşxiwanî menził
ke çaye saqî bezmî cumle yaran
ke çaye xoşewîstî cwan û pîre
ke çaye diłberî sułtan û şahan
ke çaye ba’îsî eḧyayî ’alem
ke çaye řewneqî dêhat û şaran
ke çaye dafî’î ’îczî derûnî
ke çaye wasîtey řêkî û ’îrfan
ke ça esbabî bezmî îttîḧade
eger çayî nebê ’alem perêşan
xusûs bo êste ger fesłî behare
zemanî ’eyş û noş û bezim û seyran
eger çî êste dunya sewz û sûre
welî bê ça seraser çołe qurban
ke min çayîm nebû qurban le mała
îtir bo çîme małî wirit û wêran
çi muḧtacî beyanate ke bîkem
ezanî ḧałî bê çayî be wîcdan
meger çaye mesîḧî îbnî meryem
eka eḧya hezaran qelbî bêcan
ke teşrîfî nebû çayî le mała
wekû wirç bołeyane mał û mîwan
wîsałîNasnava edebî wêłî wesłî bûkî çaye
wekû mecnûn kewa kewtote kêwan
ke małê xałî bû ye’nî le çayî
nîye ferqî legeł eşkewtî kêwan