matemêkî taze bo meydanî jîn peyda ekem
Li pirtûka:
Dîwanî Racî
Berhema:
Racî (1912-1969)
2 Xulek
119 Dîtin
matemêkî taze bo meydanî jîn peyda ekem
řojî mergî xom le ufqî perçemî awa ekem
ser hełêne, hełbiře çawit le bazařî hewes
ta bizanî ał û wałay soz çilon sewda ekem?
êwe nasyar û, emin şêwey ẍerîbim bête řû
pêçe lade, cejnî dił, lemlawe wek ewla ekem
suxme sewz û ał bigrê destî yarîdey biřîn
cergî hełqirçawî xom, bo destibřîy wirya ekem
min ke bextî gyan ekem lem şarî ’îşqe, bê řya
kes binasim ya nenasim, ferq nakem, wa ekem
nawî ger bênin, nezahet piř debê îman û dîn
řojî ḧeşirim řa ebê, cennet piřî tûba ekem
dadî min lem şareda napirsirê, ey xunçedem
boye wa piř zar û dił, hawar ekem, hîwa ekem
ger ełêy řojûgirim, zerdexenet embatewe
bergî îslamîy epoşim, kirdewey tersa ekem
pêm ełê damirdûy, «kake řesuł»m emkujê
min ke badey merg fiřkem, dyare îşî ça ekem
çunke şay şetrencî ’îşqim, çûme bendî şařuxî
serkiz û matim, wełatim, gerdenî aza ekem
min kuřî ’îşqim eger caḧêl û ger pîrim, îtir
peyřewî bawkaneme, ger çak û ger bê ca ekem
namewê lem kate kurtemda, huner derxem lelat
boye wek çawî dizan, ta xom penadem řa ekem
cig le řoḧim, qîmetî maçim le baxełda nîye
wa řicay «kak eḧmedKes» û, pêẍember û mewla ekem
ta milim keç kem le mizgewt û be xewnim bêye řû
řimb û hořî dił, çi şêxane be îllełła ekem
řacyaNasnava edebî, sed kes ełê to hemserî peymane nî
min ke xom nasîwe boçî xem exom, biřwa ekem?!