bab 15
1) emnim mêwî řast û babî min řezwane.
2) her likêk de minda ke ber neyênê ewî hełdegrê û her yekêkî ke ber dênê ewî pak deka hetakû pitir ber bênê.
3) engo elan pakin be sebebî ew kelamey ke bo engo qisem kirduwe.
4) de minda bimênin û emin de engoda. çilonêkî likeke le xoyewe natwanê ber bênê, eger de mêwda nemênê, weha engoş eger de minda nemênin.
5) emnim mêw, engo likanin. ewey ke de minda demênê û emin de wîda, ew zor ber dênê çunke bê min engo natwanin çitêkî biken.
6) eger kesêk de minda nemênê, wekû likêk fiřê dedrête derê û wişk debê û ewan xiřî deken û de awrî dawêjin û deysûtênin.
7) eger engo de minda bimênin û kelamî min de engoda bimênê, her çî ke detanewê tełeb biken û bo engo debê.
8) de weyda babî min be celal buwe ke engo zor ber bênin û şagirdanî min bibin.
9) çilonêkî bab emnî ḧubbanduwe, emnîş engom ḧubbanduwe, bimênin de muḧebbetî minda.
10) eger engo ḧukmanî min řabgirin de muḧebbetî minda demênin, çilonêkî emin ḧukmanî babî xomim řagirtuwe û de muḧebbetî wîda demênim.
11) ew çitaney be engom kutuwe hetakû xoşḧałî min de engoda bibê û xoşḧałî engo tewaw bibê.
12) ḧukmî min eweye ke yektirî biḧubbênin, çilonêkî engom ḧubbanduwe.
13) hîçkes muḧebbetêkî le ewey gewretrî nîye ke yekêk gyanî xoy bo dostanî xoy dabnê.
14) engo dostanî minin eger ewey ke emin be engo ḧukim dekem becê bênin.
15) îdî be engo ’ebid nałêm çunke ’ebid nazanê aẍay xoy çî deka, beła be engom dost kutuwe çunke hemû ew çitaney ke le babî xomim bîstuwe be engo xeberim dawe.
16) engo emnû hełnebjarduwe beła emin engom hełbijarduwe û engom ta’în kirduwe ke biçin û mêwî bênin û ke mêwî engo bimênê hetakû her çî ke le bab be nêwî min tełeb biken be engo deda.
17) ew çitane be engo ḧukmê dekem ke yektirî biḧubbênin.
18) eger dinya engo bibuẍzênê bizanin ke le pêş engoda emnî buẍzanduwe.
19) eger engo le dinyayê biban, dinya î xoy deḧubband, emma çunke le dinyayê nîn, beła emin engom le dinyayê hełbijarduwe, leber ewey dinya engo debuẍzênê.
20) webîrû bênin ew qisey ke emin be engom gut ke xizmetkar le aẍay xoy gewretir nîye. eger be min ezyetyan dawe, be engoş ezyet deden. eger qisey minyan řagirtuwe î engoş řadegirin.
21) beła hemû ew çitaney degeł engo deken leber nêwî min, çunke ewey ke emnî narduwe naynasin.
22) eger nehatbam û bo wan qisem nekirdibaye, gunaḧyan nedebû, beła ewêsta bo gunaḧî xoyan byanûyan nîye.
23) ewey ke emin debuẍzênê ew babî minîş debuẍzênê.
24) eger lenêw ewan ew karanem nekirdibaye ke hîçkesî dîke neykirduwe, gunaḧyan nedebû, beła ewêsta dîwyane û emin û babî minîşyan buẍzanduwe.
25) beła ewe bû ke tewaw bibê ew kelamey ke de tewratî xoyanda nûsrawe: «bê sebeb emnyan buẍzand.»
26) wextêkî yarîdeder ke bê ke emin le bab bo engo denêrim, ye’nî ew řuḧî řastî ke le bab weder dekewê, ew leser emin şayedî deda.
27) û engoş şayedî deden çunke le hewełewe degeł emnin.