dił koylete, dêwanete
Li pirtûka:
Kilpey Derûn
Berhema:
Mela Ebdulrehmanî fatihî (1930-2002)
1 Xulek
515 Dîtin
ey new’erus û newgułim bo ’aczî bo bar ekey?
bêçare û sewdaserim, boçî diłim xembar ekey?
dił koylete, dêwanete, sûtawî xałî řûmete
degrî, denałê dête kuł, boçî diłim xembar ekey?
kewtûme nałîn û xiroş, kûrey derûnim hate coş
ey diłberî sermest û xoş, boçî diłim xembar ekey?
xoşîye, bezim û şadîye, wadey gerdin azadîye
ey yarî bê ’ehdu wefa, boçî diłim xembar ekey?
qurbanî çawî diłberim, ew gułřuxî xoş menzerim
ey ḧorî ḧewzî kewserim, boçî diłim xembar ekey?
mestî şeřabî wesłî to, agay nîye le hatuço
ey bulbulî xoş giftugo, boçî diłim xembar ekey?
ey çawkejał û dîdemest, hoşim nemawe çû le dest
perwanetim ḧeyran û mest, boçî diłim xembar ekey?
sozî min û řeftarî to, ew nergisî xumarî to
demxate girye û babeřo, boçî diłim xembar ekey?
maçî dû kułmî sûrî to, xem labere be gyanî to
«fatîḧîNasnava edebî» bot bû řencero, boçî diłim xembar ekey?