bi’d az an ḧizirit risalit pinah ﷺ mib’us gişt û bîst ruz bi’d az bi’ist şyatîn ra him gwîd
Li pirtûka:
Rewzetul Sefa
Berhema:
Mîrza Ebdilqadirê Paweyî (1850-1910)
2 Xulek
289 Dîtin
çûn tayfeyî cin ewlad can bîn
gişt saḧêb menził ce asman bîn
eweł girewan, kêşan ah serd
ce řecim şeytan xofşan ne dił berd
temamî yekser zerd û zayf bîn
giroy kem nusret ehil tayf bîn
her yekê naqe ya xo gusfendê
mekerdiş we zêbiḧ bê çûn û çendê
ne řagey butan serfişan mekerd
daym menałan ce daẍ û ce derd
ta emwałşan gişt berşî ce des
cins û neqdişan bî be xar û xes
cew dima pena we butan berdin
hem cinî yekser meşweret kerdin
watin sitaran hîç nimeban kem
emwal ême gişt şî we ’edem
cew dima gişt terk ’adet kerdişan
badey řezalet mêḧnet werdişan
êblîs xetab kerd we zuřîyey wêş
wat emrê řûdan nimez çêşen çêş
nuqtey serzemîn peşêw mewînûn
řehbanan ’aciz butxanan meḧzûn
ecînnan kyast gişt we hewłnak
we her zemînê her yek miştê xak
awerdin we laş yekayek bo kerd
mulaḧîzey miłk giro giro kerd
ta miştê xak seḧray tehame
weş bo ter xeylê ce boy şemame
bo kerd û watiş «yum alimḧişir»en
î bo her boy xak pay pêẍemberen
çêş kerûn hana hey dad hey bêdad
kerdem gişt ’ebes řencim şî we bad
derd bê derman wey we yanem wey
nemam şadîm ce no kirya pey
tuxim paşîdem ce zemîn biřya
berg zeḧmetim ce lay ḧeq diřya
me’zûl bîm ce text ferman fermay wêm
ce tewq le’net bedter ama pêm
ehil kufir û şirk gişt mebo pamał
butan gişt batił butxanan betał
muḧemmed xatem pêẍemberanen
şefî’ muxtar «yewm alqyamErebî»en
tebe’ey min gişt we dewan dew
mebo gişt bişo we êta’ey ew
ba beḧis şeytan bimano carê
hem beyan mebo beł ce kenarê