diłdarîy sofyane
Li pirtûka:
Dîwanî Mîrza Xefûr
Berhema:
Mîrza Xefûr (1870-1938)
1 Xulek
372 Dîtin
umêdim waye em cejne emin xo bikem be qurbanî
serasîmem biken, bełkû be tay zułfî perêşanî
le pênawî serim danêm, newek firset neda gerdûn
heta cuz’î řemeq mawe, nebim mucrîm le dîwanî
le serçawey ḧeyat, ger des kewê baweř meke awê
le kewserda meger qetrey bibê, wek çay zenexdanî
le ẍewasan su’alim kird, behayî lulu’ û mercan
dełên ew xoy dezanê qîmetî le’lî bedexşanî
be şoxîy xoy ewend meẍrûr û serbest û dił azare
xeyałî nagrê ’aşiq, dekewne dest û damanî
esef bem terze bê řeḧmî egerçî řesmî me’şûqe
bełê wa çak nîye qurban ke dinya her debê fanî
le dîwanî cezada çon, xełasît dê le ahî min
le řengizerdî û zelîlî min le sûrî cergî biryanî
debê her xom be naçarî temennay ’efûy leyla kem
we’îlla, zeḧmete çare le ’edil û ḧukmî yezdanî
egerçî pîre mîrzaNasnava edebî, ew diłî her gence pîr nabê
îtir boçî be naḧeq wa, eken lomey be nadanî