wifat kirdin mirîm zin xisru dixtir qîsir
Li pirtûka:
Şîrîn û Xusrew
Berhema:
Xanayê Qubadî (1704-1778)
2 Xulek
479 Dîtin
me’lûm bo ce lat «xana»y xatir teng
ne ’ersey dewran ejdeha aheng
axir myawan er şan er derwêş
herkes be padaş kar kerdey wêş
hîç karê bîlla er yaren bêçûn
nimebo zay’ ne dewr gerdûn
çun xusrew pey merg ferhad dêrîn
badey tełxda be xurd şîrîn
be emir teqdîr zat îlahî
miryem ke bî şewq piř şewq şahî
’îfrît ecel ne řûy perdewe
pif kerd be şewqiş, xamoş kerdewe
mwaçan be’zê saḧêb kemałan
aga ce eḧwał guzeştey sałan
şîrîn zehir tełxda ne xurdarş
ce neş’ey ew zehir temam bî karş
ẍerez şay cem bezim fereydûn şyem
azad bî çun merd ce dest miryem
bełê pey xatir şahê çun qeyser
wêş bê demax kerd, ne ser wist efser
ce dêbay muşkî berg řeş poşa
ta mangê şerab guł řeng nenoşa
çun mewt miryem be şîrîn yawa
berşîş ne dił xar, çun guł şikawa
sa şîrîn ce des xar řeqîb řest
demadem sucdey şukirş berd peywest
bełê ce řay ’eqił danşimendî û hoş
hem pey xatran şehenşay lał poş
ewîç t mangê şerab nenoşa
berg sewadîy azyetî poşa
çun ew cam cemîn cemîn cam cem
horêza ne řaş ẍubar miryem
awerd be xatir řoyê be diłxiwah
nameyê şîrîn binwîso pey şah