fut şidin hirimz û xibir risîdin bih xisru
Li pirtûka:
Şîrîn û Xusrew
Berhema:
Xanayê Qubadî (1704-1778)
3 Xulek
572 Dîtin
munşîy xuşniwîs belaẍet ayîn
xaster ce şapûr xîredmend çîn
bey destûr be aw teła û lacîwerd
serlewḧ ey lewḧ cedwelkarî kerd
ke perwêz bewr şay feřřux şî’ar
nîştebê be şad řoyê be huşyar
naga qasîdê dił xatir xeste
qamet çun çemey çewgan çem beste
çun kasey çînî piř ce esrîn çem
pîşanî piř çîn çun çerx pa dem
ama wat hurimz nîgûn bî bextiş
textey tabût kerd fełek be textiş
be cay zeřřîn tac şahî ce weten
nyaşan ce ferq kiławçey kefen
merḧûm bî ce qesir ałay zer nîgar
ce deyhîm û tac, ce text û tomar
îse ew cem qedir daray darakêş
say seng ełḧed bî be mawa û cêş
ẍułam yek řeng cun yar canî
celaş kerdibê ’erz nîhanî
nogey perwêzen wext firseten
teşrîf şerîf bawer bey weten
tey kerd be tacîl deşt û ko sara
ne cayê yek sat meker midara
wextê ce qasîd ’erzey ew ẍułam
êd yawa be sem’ şay feřřux meqam
zanaş ke gerdûn şûm namerden
ta ser çenî kes beser neberden
me’lûm bî ce laş dinya bed tewren
’ecûzey bê şûn, piř mekir û cewren
er minyot ne ferq wêney eskender
tomarê ce lał, tacê ce gewher
selaḧ her êden pêş newî meẍrûr
pey çêş? bê şertî kerden be destûr
katê mizanî ne řûy ka’înat
tac û tomarit gişt west be mîrat
ey dinyay bê şerit, ew şerbet daren
ke şîrey qendiş amîtey jaren
daym û derhem perê mîmanş
piřen ce tirşî şîrînî xwanş
ḧeya pêş nyen lêş meber ẍafił
ḧełway guł qendiş ce zehir qatił
şadîş bê şîwen, zewqiş we bê xem
ne řûy serzemîn kes nedyen we çem
hîç nefê ce çeng bełaş neřesten
sebûy kê we seng mîḧnet neşkesten
kê be kedûy ew noşa aw serd
newî ce îsqa wêney kedû zerd
çunke bê tewrin şerit û ayînş
pey çêş sa kesê şad bo be dînş
«xanay qubadîNasnava edebî» er saḧêb hoşî
ce şîşey danş cam mey noşî
ce zewq û zînet dinyay dûnperwer
çun ’îsay meryem wêt meceřřed ker
pey çêş? ke esbab dinya be taqî
pey kes ta be ser nimebo baqî
bê şerit û bê şwên, beyn nadrusten
deha çend şahan ce şahî westen
kesê çun şad bo bey zîndeganî
er sed sał meno her mibo fanî
merdî ce řeftar ey dinya dûren
ebleh kesêwen peneş meẍrûren