dił bê qeraren
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
315 Dîtin
dił bê qeraren .. dił bê qeraren
ya «risul alilhErebî» dił bê qeraren
ewen teqsîrat be cesem baren
le şermendegîm ’alem bêzaren
le’în pêm kerden gunahan hezar
be wêney ḧîmar wêm kerden bar
be zuban çun kelb, we bar çun ḧîmar
ya xalîq tewbe hana sed hewar
ne cay ’îbadet şerab mewerdim
îxlasî çenî dunya mekerdim
dinya yar nîyen, dexîl eẍyaren
heway meḧebbet xar bîmaren
mewya min sizay xasî bwerdam
îxlas dinya çenî mekerdim?
le xewf ’ezab ahîrey meḧşer
babo ne firzen nedaro xeber
le giřey ceḧîm, şerarey dozeq
min beran perêş be ferman ḧeq
mesozim be nar mebim be qeqnes
mayey genicbazîm meço be hewes
daxil we meydan «dar alẍirurErebî» bîm
le medresey cedid seydan dûr bîm
wesyetim êden her kes bimano
dinyay bê wefa we yar nezano
ne ’emir û ne serf, ne dunya û dewłet
ne keyf, ne aheng, ne şayî û şewket
ne zewq, ne zînet, ne zemzeme û saz
ne nałey mutrîb, neẍmey xoş awaz
ne řaw, ne şikar, ne quşxane û baz
ne tîp leşker, ne ře’ye û serwaz
pey řoz meḧşer neyawan we kar
ẍeyr ne zat ḧeq danay kirdigar
nemrûd bew celal bê şumarewe
bew xułk le’în gawir karewe
we çen serdaran şehryarewe
xelîl da wedem giřey narewe
fîr’ewn bew tabî’ bed etwarewe
qarûn bew tay řîş gewherbarewe
xusrew bew tełay des hewşarewe
şêro bew meraq qîn û qarewe
şeddad bew mayey zułim û zorewe
bew burc û demaẍ şeř û şorewe
bew baẍ îrem nadyarewe
ecel kotaş kerd bewneharewe
zeḧḧak bew maran tiłfan xorewe
nezana ecel ha be korewe
çîşan kerd we çî? ’aqîbet merden
gişt erwaḧ we zeyt dozeq siperdin
ya saḧêb mułk çwar goşey cîhan
ya ḧey, ya qeyyûm, danay lamekan
bo be şerafet îsim mustefa
le her dû sera pêm nedey cefa
ewweł le dunya, dûmîn qyamet
serfirazim key kerem bê ẍayet