bendî qełay xaw

Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
 3 Xulek  358 Dîtin
mîrzam qełay xaw, mîrzam qełay xaw
aro şîm we seyr burc qełay xaw
dił zedey hîcran, derûn piř zuxaw
kerdim xeyałan dinyay natewaw
persayîm ce seng burc zemane
bê zewq û zînet mendey wêrane
to we ’îşq ḧeq gerdûn piř zat
kê řêja řengit? kî nya binyat?!
kwanê begleran saḧêb supa û san
kê ostad hawird toy binçîne nan
kam westay nadir ne ser wextit bî?
çend xan û begler leser textit bî?
kwa řefîq řast dîde qetranan?!
kwa san meclîs pîr û cwanan
kwa xan û şahan kewł simûrî
kwa qawe û qilyan çînî û feẍfûrî?!
kwa dar? kwa dîwan? fermûdey xanan
kwanê bizurgan, ko ḧukmiřanan?!
kwanê derwêşan be ełła ełła
kwanê seyîdan? ko şêx, ko mełła?!
kwa tifengidaran le burc qulle
le deng barût, le şirîxey gulle?!
kwa xwace û ẍułam kemer zîwînan
kwa tirçedaran mah cebînan?!
kwa ho hoy meydan çabuk swaran?
ko ew şadî û zewq ce berqedaran?!
kwa şanşînit wiyerdey zemane
kwa saḧêb text qełay wêrane?
qeła da cwab qulley cařûsaz
cagey topxane, wamendey bê naz
wat: pey çêş persî ebley dêwane
eḧwał persîy şerḧ wiyerdey zemane?
watiş: ey hetîw lêwey herzey kał
bê ’eqił û bê fam derûn piř zuxał
yeqîn to le xewf xuda natirsî
hewał dewran dinya mepirsî!
dewran dunya pey kes nemenden
binçîney şahan ne bêx horkenden
’erzim hen xizmet her çît hen nyaz
goş bider we ḧerf qełaçey bê naz
řaste min qedîm cagey canan bîm
şerîk û hemřaz şay keyanan bîm
hem seraperdey ḧeremsera bîm
hem şanşîngey xan û dara bîm
mekan û me’way mîr û sułtan bîm
qapîy ḧikûmet řom û êran bîm
hem seyrangay xas pol řendan bîm
daym cewlangey zulf kemendan bîm
destikar westay qedîm sałan bîm
text begleran kemer lałan bîm
şahan muxlîsan min sazan ce no
neqqaş karî bû çend mah û çend řo!
bew şayî û loẍan piř şewq û zînet
ta min temam kerd ḧakim be ḧîkmet
le deng topan teqey dûr endaz
kej û ko û seng mama be awaz
le burc qulle top medan ateş
zemîn melerza ta endam ’erş
lutif xudawend wenem bû zahîr
min hem be qełẍan top û cizayr
ne qulle mage û ne saḧêb text!
ce kon selim û tûr? kwa saḧêb řext?!
her kes bwîno min be wêranî
qet dił şad neka wey dinyay fanî
ye feqê waten derûn piř cefa
pey kes nemenden dinyay bê wefa
ye feqê waten, qebirş piř nûr bo
řoḧiş ce ’ezab qyamet dûr bo
ye feqêNasnava edebî waten derûn piř ce xar
«rib nicnî min ’izab alnarErebî»