cefay firawan
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
1 Xulek
391 Dîtin
cefay firawan, cefay firawan
qîbłem ba bes bê cefay firawan!
ger baweř ekey şay şîrîn xawan
be gyanit gyanim we taqet yawan
ce bedbextîy wêm ce neḧsîy tałem
yekser bêzare ’ałem ce nałem
ecel ser qulab besten ne cergim
nimanan neş’ey nîşaney mergim
pey pey peya pey nefes mişmaro
hîç nezîr nîyen ha sub, ha aro
bełam wesyetim êden ce lay to
xeylê ’erzim hen we xak pay to
dexîl bînayîm her ga min merdim
gyan fîday bejin û bałay to kerdim
axir koçim kerd pey hewargey no
awam kerd maway say seray giłko
text bî bazar êmeyş çun yaran
biřya amuşoy subiḧ û êwaran
me’lûm bo we leyl ane qeys merden
arezûy yaney tenyay toş kerden
sa toş hey azîz awat wazekem
leyl saḧêb şerit, şîrîn řazekem
we yad şadîy cey bener kerdet
bo we serkêşîy mecnûn merdet
bê bak ce taney giroy eẍyaran
qedem řence ker we sermezaran