nizul ḧizirit ’îsî ’ilîh alsilam
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
479 Dîtin
pey defi’ deccał mehdî be xuşû’
mekero du’ay xufye û tezeřřu’
te’sîr du’aş ḧeq meko qebûl
mesîḧa ne zuhir mekero nuzûl
îmamen newdem mehdîy huda
ḧezret mesîḧ mebo muqteda
ce dimay numaz menîşan behem
meken şukir ḧeq padşay e’zem
mesîḧ û mehdî ba supay îslam
mekeran te’qîb deccał bêřam
meyawan peneş ce qurb qudûs
mesîḧ meko qetił ew dêw salûs
supah îslam be quwey cîdal
mawerin yêrş pey supay deccał
be zor bazûy quwey qehir û qîn
meken qetił û qiř supay kufir û kîn
mufessîr ne ḧeq nuzûl ’îsa
hem dû řîwayet mekeran eda
ce be’zê řawî wey tewren eqwal
«ḧisb alaradihErebî»y zat «zwa liclalErebî»
sebeb nuzûl ḧezret ’îsa
dû ḧîkmet daro «min canb alilhErebî»
ewweł pey tekzîb fîrqey yehûden
duwem pey deccał dêw merdûden
ce dimay deccał ḧezret ’îsa
dûbare muqîm mebo ce sema
ekser mufessîr ce îbnu ’ebbas
be neqił ḧedîs wey tewr dan esas
mesîḧ û mehdî herdû îttîfaq
maweran be zebit me’mûrey afaq
betał meken îsim sa’ir edyan
dîn muḧemmed megêro cîhan
mehdî pey te’zîm řutbey řîsalet
be emir mesîḧ meko îta’et
mesîḧ pey te’zîm xîtamet pena
be dîn eḧmed meko îqtîda
sikey sułtanî ’îsay bin meryem
meyo be řewac nekulil ’alem
mesîḧ sułtan bo, mehdî be îmam
ełbette umûr meyo be nîzam
dimay çend muddet mehdîy huda
mekero řîḧlet ce «dar aldinyaErebî»
cewdima mesîḧ be emir îlham
meşo perê tûr çenî îzdîḧam
cem meko erzaq bêḧedid û şumar
ce tûr sîna mekêşo ḧesar