xiruc tayfey yacuc û şikist sid askindir zwalqirnîn
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
303 Dîtin
naga çun derya ta’îfey ye’cûc
şikist meden sed, mekeran xurûc
ce ekser řawî wey tewr xeberen
ye’cûc hem ce nesil «abu albişirErebî»en
ta’îfey ye’cûc turk çenî tetar
ce nesil yafîs ḧeq kerden îzhar
natîq lefzen ce beyn wêşan
be’îden ce fehim deřřakey însan
new’ new’en xîlqet ye’cûc ne bunyad
yek zer’î qamet daran ta heştad
cîns yek zer’îş fîl û kerkeden
be quwey bazû maweran ne ben
ce bizurgişan bewtewren qyas
kes ne quweşan çon mebo xelas
duřundey kohî, zîřoḧ seḧra
nebat û erzaq eşya û «ma fîhaErebî»
çu mûr û melex ne sefḧey cîhan
xałî meken erz ce eşya û ḧeywan
zîřoḧ beḧrî û beřřî seraser
yekser meken ekil ne eşya û beşer
ser medo ce erz şor û sedeme
menoşin derya û nehran û çeşme
xałî meken erz ce weḧiş û eşya
xuşk meken çeşme û enhar û derya
ordûgay mesîḧ muḧaser ne tûr
yek qeḧit ẍela cêş mebo zuhûr
nas ne bê řizqî gişt meban zebûn
xiřîd meken xer be hezar ałtûn
nas ce zu’if ḧał meban perêşan
ce qapîy mesîḧ mekeran efẍan
meken tezeřřu’ ce qapîy ’îsa
’erz meken ne řûy ew «nibî alilhErebî»
yeqînen du’ay řesûlan ce ḧeq
meqbûłen ce bab qedîm mutłeq
du’a ker ce bab şehenşay e’zem
’alem xelas bo ne qezay mubrem
pey defi’ ye’cûc er nekey du’a
«kilaًErebî» be ’îlley cû’ mebîm fena