le jêr zulfî sya řûy xiste der çawî le dunya kird
Li pirtûka:
Dîwanî Wefayî
Berhema:
Wefayî (1844-1902)
2 Xulek
4283 Dîtin
le jêr zulfî sya řûy xiste der çawî le dunya kird
şewî dî, subḧidem goya, derî meyxaneyan wa kird
be ab û řeng û řû ḧorî, be zulf û kakułî ẍîlman
guławyan da le meyxane, ẍubaryan ’enber’asa kird
be řengî çawî xoy saqî lebaleb camî mey gêřa
be terzî zulfî xoy mutrîb demadem çeng û ney çakird
xeraman şahî xûban hat, hîlakî dîn û îman hat
be zulf û řûyî taban hat, ke kufir û dînî yeẍma kird
le cîlwey qametî berzî, le ’îşwey zulfî sed terzî
zemîn û asman lerzî, sucûdî řûy diłara kird
şekerxendey gułî zarî, diłî hêname hoşyarî
meger gułqendî lê barî, ke wa bîmarî îḧya kird
hezar ta zulfî wek sazêk, be naz bû neẍme perdazêk
ke her saze be awazêk, dû dunyay piř le ẍewẍa kird
le ’eksî şox û şengêke, cîhan guł guł be çengêke
her ewraqî le řengêke, beyanî ḧusnî yekta kird
wenewşe û guł le baẍan bû, le baẍan şew çiraẍan bû
meger darûy nesaẍan bû, be řûda zulfî tatakird
le tata zulfî şewkarî, direxşa nûrî řuxsarî
le her ḧełqêkî sed tarî, hezar xurşîdî berpa kird
ẍurûrî ḧusnî xoy wa bû, demî piř xende kird û çû
ke bo xoy řazî xoy fermû, «wefayî» bo çî řîswakird?
hewa bonêkî çînî perçemî kird û wekêwan kewt
seba ’etrêkî ẍunçey zarî hêna û řûy le seḧra kird
nîşanêkî le enwarî cemałî xoy be şem bexşî
seraser canî perwaney «pur azFarsî» sûtan û sewda kird
nesîmêkî le baẍî ḧusnî xoy hêna be gułda da
serapa bulbulî zarî «pur azFarsî» nałe û temenna kird
keman ebroyî peywestî, be ẍemzey çawekey mestî
ke day tîrêkî serdestî, le cîsim û canî awa kird
meger mujganî neşter bû, ḧekîmî çawî diłber bû
ke xwênî diłmî pê derbû, nexoşî xoy mudawa kird
kutim: ey şoxî çawmestim, xerab û ’aşiq û mestim
be řeḧmet bigre ha destim, xumarî aşkara kird
diłî da dił şiksitî xoy, hełsita hat be destî xoy
be camêkî elestî xoy, «wefayîNasnava edebî» şêt û şeyda kird