bes bê cîlwey zulf û xałan ’aşiqî řuxsarî xot
Li pirtûka:
Dîwanî Wefayî
Berhema:
Wefayî (1844-1902)
2 Xulek
1443 Dîtin
bes bê cîlwey zulf û xałan! ’aşiqî řuxsarî xot
ał û wałay xuldî nawê talîbî dîdarî xot
namewê ’eyşî cîhan ḧaşa le fîrdewsî berîn
toy muradî dîn û dunyam, narî xot, enwarî xot
gah be yarî, gah be dîdar, dił dekêşî, dîn debey
her demey new’ê řewacî pê dedey bazařî xot
gahê mutrîb gahê saqî, min fîday zulf û řuxt
kufir û îman lêkdedey serxoş be neẍme û tarî xot
zulfekan dênî û debey bêẍem le kuştey çawekan
şew deçê řoj dê demêkî nayê ser bîmarî xot
her řegêkim deng û awazêkî lê dê piř xuroş
awrit berdawete ’alem be mosîqarî xot
ba becarêk têk neçê karî dił û dîn, řoḧekem,
wa perêşanî mefermû zulfî ’enberbarî xot
paybendî zulfî tom, meḧrûmî řûy xotim meke
ba be daẍî towe nemrê bulbulî gułzarî xot
dił be tîẍ, can bendefirman, leşkirî naz bo çî bê?
padşahim! bêxeta wêran mefermû şarî xot
destî xom da zulfeket memkuje xo kafir nebûm
qîblekem her toy be dił, bimbexşe bew zunnarî xot
dem be dem nałey «wefayî» dê le ḧelqey zulfeket
carêkî nabê bipirsî ḧałî şewbêdarî xot?!