qesey qani’ legeł řoj
Li pirtûka:
Şaxî Hewraman
Berhema:
Qani (1898-1965)
2 Xulek
671 Dîtin
ey bay berbeyan ey bay berbeyan
nesîmî şewsu, ey bay berbeyan
şikufnidey guł le baxçey gułan
zaxaw derî derd tarîkî diłan
surawder leřûy, nazk newhałan
hełsêner le xew nîmçe ẍezałan
xo, xot ezanî çende hîlakim
wek melî bê peř ẍełtanî xakim
xo xot ezanî çende zamarim
xo xot ezanî ke kuştey yarim
xo xot ezanî çen pirêşanim
ser ḧełqey destey dirun řêşanim
her le’êware heta beyanî
aramim nîye wêney zîndanî
çunke nabînim bałakey dułber
kujrawî şewum, hey xakim beser
xwa, xwame bo dîdarî to
bo berî beyan, ser kosarî to
bo xetî sipî popey şaxanit
bo cirîwey bilbil, goşey baxanit
bełku řoşin bê saraw serzemîn
bibînim bałay, yarî nazenîn
dirunim le xem, tozê azad bê
diłey zamarim ba tozê şad bê
min ke hat yarim nizîk nekewê
le dûr bîbînim diłim esrewê
bełku xwawend, binête diłî
diłî nazkî, wek peřey gułî
cařê lakato, bo lay kujrawî
minîş bibîynim, egrîcey xawî
minîş bibînim, du lîmwî kałî
minîş bibînîm, yekdaney xałî
minîş bibînim du dîdey řeşî
minîş bibînim du gułî geşî