ئەی برای عەزیز نوور دیدەنی
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
2 دقیقه
367 مشاهده
ئەی برای عەزیز نوور دیدەنی
خاوێ موبارەک وەخێر دیدەنی
وەی بەندەی کەمتەر تۆ فەهمیدەنی
بادەی ئەنتەهوور عەشق چەشیدەنی
پەی زوهوور هەق دڵ ئومێدەنی
چەمەڕای شادی ڕۆژ عیدەنی
داخڵ وە مەجلیس شای وەحیدەنی
جە جیفەی دونیا دڵ بڕیدەنی
تاجری سەڕاف زەڕ خڕیدەنی
تازە خەڵاتی عەشق جەدیدەنی
تەمامی وەدڵ من چەسپیدەنی
فیدای دینی یار دڵ شەهیدەنی
بێ یار و یاوەر موعتەمیدەنی
ئوستاد کامڵ پەسەن دیدەنی
پاسەبان زاغ دار بیدەنی
درەخت کامڵ گوڵ ڕەسیدەنی
ڕەونەق مەجلیس وەخت عیدەنی
كريم الخصالعربی زۆر موفیدەنی
جە دەست بەدان دڵ بەعیدەنی
نە قەهری نەزان دڵ پێچیدەنی
وێنەی مەئیووسان جە حەفیدەنی
دانا و مودەبیر خۆش جەریدەنی
نادر المثالعربی فەرد فەریدەنی
موبتەلا وەقەهر قەوم سەردەنی
پەرێ ڕاگەی ڕاست وەتەجهیدەنی
جە نام یاران بەر گوزیدەنی
جە دیوان هەق ڕوو سفیدەنی
خاڵیس و موخڵیس سیڕ پۆشیدەنی
شەرابەڵحەریر زوود چەشیدەنی
ئوستای هەقیقەت خۆش مورشیدەنی
ئەشهەدم بیللا هەم ڕەشیدەنی
مەراق وە گفتار هەق شنیدەنی
دایم ڕەوشەن زەین لەب خەنیدەنی
دایم سەر توفەیل پەی موریدەنی
جە بەعزێ ئیشا هەم عەنیدەنی
وەڕووی مونکیران تیر شەنیدەنی
بێ پەروا جە خەوف گشت تەریدەنی
کەمتەر غوڵام تۆم ئەکیدەنی
#
شادی زەوق دڵ مل چەمیدەنی