حاجی جارییەن
یاهوو یا مەنهوو (بۆ مام موحەممەد)
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
1 دقیقه
241 مشاهده
حاجی جارییەن ...
ئەشک دمووعم جە نۆ جارییەن
چەمەڕای ڕەحمەت خاوەندکارییەن
جەی ساڵ ماردا ئینتیزارییەن
عاجز و مەحزوون دەردم کارییەن
پەنهان جە دەروون نادیارییەن
زوڵم و تەعەددا بێ شومارییەن
ئیدارەی ئەی وەخت ژار مارییەن
ڕەفتار مەخلووق بەد ئەتوارییەن
کەی شەرت و شرووت ڕاگەی یارییەن
زاڵمان مەراق ستەم کارییەن
مەلبووسات حامی چیت بازاڕییەن
ڕەوشت ئەی جاهـ خەتا کارییەن
کەلام تەفریقە گوناهـ کارییەن
مەڵڵا چون - -متن نامشخص تەمام بارییەن
چە خانەی خەڵوەت دەر کنارییەن
خاسان جان فیدای دین یارییەن
خاڵیس و موخڵیس بەردە بارییەن
خەیلێ کەس وەک من جە ئینکارییەن
خەریک ئەی جیفەی گیان مردارییەن
بەدان جە تەحریک دڵ ئازارییەن
جە ناعیلاجی گەردەن لارییەن
ئیدارەی ئەی وەخت گشت بێ عارییەن
عەوام سەلامەت قوڕ پەی قارییەن