کاک حاجی نەجات
بۆ مام موحەممەد
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
3 دقیقه
450 مشاهده
کاک حاجی نەجات ...
جەی قەید میحنەت کەی مەویم نەجات
نمەیۆ وەکار ئەی سووم و سەڵات
ڕەحم و شەفەقەت شەرتەن واجیبات
سەقف وێرانەن تەخریب بی حەیات
تەئسیر نەدارۆ هەزاران ئەبیات
ڕەحم کەن وەیەک جە حاڵ حەیات
شیوەن بێهوودەن جە بعد المماتعربی
وەخیمەن ئەنجام ڕای هات و نەهات
ڕۆشنایی نەمەند گشت بی وەزوڵمات
ئەی یار ڤەدیم ڕۆحم بۆ فیدات
تووتیان پەی چەشم خاک و خۆڵ ژێر پات
مکشوف العورةعربی تەمامی بەنات
یە چۆن دەورێوەن فیرقەی موئمینات
ئینجیل و فوورقان زەبوور و تەورات
یەکسەر بێ قیمەت جە ڕووی کائینات
خەجاڵات بارم یا هەق جە دەرگات
وە هیممەت تۆ، واتم ئەی ئەبیات
خالق المخلوق قاضي الحاجاتعربی
وە دەروون دڵ مەکەم موناجات
شەرمەندەی ڕوو ڕەش لایق موجازات
عاجز و مەحزوون دوور جە مەکافات
داد فەقیران نەپەرسای شکات
وە زوود بکیانە حوکمێ عەدالات
جە لات عەیانەن حاڵ و ئەحواڵات
ڕەوشەن زەمیر بۆم جە بەد خەیاڵات
هەزار مەڵڵا بۆ فیدای یەک سەنعات
سەد خۆزگە وەدۆم وەیا خود خەڕات
تەئمین مەکەرۆ ئیعاشە و تەقوات
پارە نمەکۆ حەدیس و ئایات
وەبێ پارە و پووڵ ناچی وە جەننات
فەقیران مەزڵووم وەبێ دەستەڵات
هەر جە خۆر بەرشیا تا وە خۆر هەڵات
پەی جەنگ و جیدال مەسازنا ئاڵات
خوراک خەران گشت قەند و نەبات
ئەسپان بار کێشەن دائم الاوقاتعربی
خودا داد فەقیر تۆ قەت نەپەرسات
دۆستان خەڵاس بۆ نەدەست بەد سەنعات
لزووم نمەکۆ هاوار و ئەسوات
تەقدیرش کەردەن وەیتەورە بەرات
شومار ئەنفاس جەمیع مەزرووعات
بەر موحەممەد بۆ سەلام و سەڵات
یاڕەب بە حورمەت هەر چوار کتوبات
فورقان و زەبوور، ئینجیل و تەورات
گشت پەرێ طەمعەن زیکر و عیبادات
لەعەشق حۆری خۆراک جەننات
ئەگەر مەزانی جەهەننەم مۆ جات
پەی چێش مەدەری سەرفترە و زەکات
گشت پەی ئەمەلەن فیرقەی موسلیمات
بەهەشت پڕ بییەن جە فەواکیهات
شەرابەنتەهوور گەردەن بلوورات
یاران چەند خۆشەن نیکات بەنات
لقاء اللهعربی هەق پێم مەدۆ قنیات
بێزار جە دیدار حوري الجناتعربی
ئیسلامان مەراق گشت وەشەهەوات
عەموودت توند کە، هەشتا حۆری هات
چەند هەزار غیلمان ها لە ژێر پات
تێ بڕ و تێ کوت گشتی بکەر چات
سەگ اصحاب الكهفعربی ئەخوا حەلەویات
ناقة الصالح تاكل علفاتعربی
حمار العزيز يصرح في الاصواتعربی
قوي الذكر يتبع البناتعربی
ئەگەر لە ئوتێل کەرێ بێت وەلات
ڤەبووڵی ئەکەن ئەی گڕۆی ذواتعربی
گوفتارم لذیذ نەدارۆ فیئات
وە سی و سێ ئەشعار ئیکمال بی ئیسپات