ئەوەڵ سڵامم وە زات حاجی
بۆ مام موحەممەد
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
1 دقیقه
208 مشاهده
ئەوەڵ سڵامم وە زات حاجی
ڕەهبەر ڕای دین جە گرۆی ناجی
داخڵ وە میزان ڕای شەرت ناجی
بێزار چە دیدار فیرقەی موغلاجی
مەشغوڵ وە حەساد جە ناعیلاجی
جەرگمان جە تەعنە کریان هەللاجی
ڕەعیەیان گرفتار گێژ و ئەمواجی
زەحمەتەن چەی وەخت حوسن و ئیمتیزاجی
مەعلووم گیر وەردەی دەیجوور داجی
گیرۆدەی عەزاب دەست خەرج و باجی
ڕەئیسان برزق دار قەریەی دوڕاجی
فەقیران هیلاک مەعیدەی ئاجی
ڕۆشنایی دڵمان پەی سەرمان تاجی
پەی یار شەکری چە لای بەد زاجی
خەیلێ درۆغەن ڕای برا و باجی
حزوورەن موخڵیس چە پشت چون قاچی
خەتام فراوان هەنی چێش باچی
مەڵڵا ڕووت ڕەشەن پەی کەس نەواچی
خەیلێ یار جە دین مۆ ئیستیخراجی
نەزدیکەن پەی یار هەق کۆ ئیفراجی
جەی ساڵ ماردا ئەر تۆ عیلاجی
مەوی وە عەرەب ئەڵبو سراجی
ئەشعارم تەمام دوانزدە ئیبراجی
زەعیم فیرقەی سەف ئەفواجی