یارستان موحتاج ٢
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
1 دقیقه
323 مشاهده
یارستان موحتاج...
بەنی بەشەرمان گشت بییەن موحتاج
سوپای حرس و نەفس ئیمان کەرد تاراج
سەوقمان مەکەران وە مەعیدەی ئاج
وە پای پیادە ئاخر ناعیلاج
ساتێ سەد دەفعە مەستاو خەراج
زەحمەتەن چەی وەقت حوسن و ئیمتیزاج
چەنی ئی مەخلووق گشت ئەخلاق شیراج
مەخلووق دوو زوبان وێنەی نانی ساج
گشت ڕەش و ڕووتن چون یانەی هەللاج
چە قەید میحنەت کەی مەبۆن ئیفراج
مەگەر وە ڕەجای هەم صاحب التاجعربی
بەڵای ناگەهان چە نۆ بی ئاماج
کوشتارمان مەکەن بە وێنەی زوجاج
جە ڕای موستەقیم بیەنمێ ئیخراج
مەگەر حەق وە لوتف وێش کەرۆ عیلاج
بێ فەرقەن چەی وەخت شەکەر چەنی زاج
گشت مساوی یەن سەقەت و ئیفلاج
تەڵاق و مەزهەب کەردشان هەڕڕاج
گشت کەفتان نەچاڵ نییەنشان عیلاج
ئی شیعرە تازە کەردەنم ئیدراج
حەسابش تەمام وە دوازدە ئەبراج