قەید زەنجیرم
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
1 دقیقه
506 مشاهده
قەید زەنجیرم ...
یاشا نە قەلعە قەید زەنجیرم
چەمەڕای ڕەحمەت شای خەیبەر گیرم
وەدەست حرس و نەفس یەکجار ئەسیرم
ئەفکار موفەشەق دەروون چون قیرم
یا حەق ڕەوشەن کەی زەین و زەمیرم
چونکە نی جامە ئەولاد میرم
دوعام موستەجاب ڕاست باری تیرم
دەلیل حایرین بکەر دەستگیرم
وەرنە موستەحەق بیئسەل مەسیرم
ئوفتادەی مەیدان چە مەنزڵ دوویرم
چە لای مونکیران بەدەن تەسویرم
وەدەست جاهیلان خەتەر زەویرم
زکر و عیبادەت بەرشیان چە ویرم
سوپای حرس و نەفس کەردەن یەخسیرم
ئەی یاران خاس بکەن تەدبیرم
ئەر نێک و ئەر بەد نییەن مەخبیرم
چە سەبت تۆمار کریان تەحریرم
مەمنوون چە ئەڵتاف پادشای قەدیرم
ئەدنای مەخلووقات شای بێ نەزیرم
كثير العيالعربی ئەحواڵ فەقیرم
موشتاق وە مەجلیس جەم غەفیرم
گا گاهێ دڵشاد وێنەی وەزیرم
گا وێنەی گەدای شار کەشمیرم
چە لای سەڕافان مسک عەبیرم
بێزار چە دیدار قەوم شەریرم
گا شاعیرێ خاس نیمە دەبیرم
خەیاڵات کەردەن زەبر و زەیرم
پەرێ گفتوو گۆ سوخەن پەزیرم
لایق وە خۆراک خوبز شەعیرم